توقعات تالته " أ و انتساب " افريقيا

شكل الامتحان : اختياري  ثلاثة او اربعة اسئله تختاروا اتنين  :) 

·      تحدث عن أحوال الرقيق و أوضاعهم  في المستعمرات

·      ميزت نظرية الاستيعاب  نظام الحكم الفرنسي في افريقيا .. اكتب في ذلك (هاااااااااااااااااااااااام )

·      قارن بين بين كلا مما يأتي

1.     الاستعمار الفرنسي في غرب افريقيا .. و البريطاني في الشرق

2.     نظام الحكم البلجيكي في الكنغو  ... و الهولندي  في جنوب افريقيا

·      " كان لتجارة الرقيق في القارة الافريقية اثارا  علي الاوربيين و الافارقه " وضح ذلك .

اقرء المزيد

"توقعات افريقيا " تالته ب

اقرء المزيد

دردشة تحريرى "الادب والفن فى عصر اغسطس " "رومانى"

دردشة تحريرى " الادب والفن فى عهد اغسطس " ــــــــ بقلم "فاتن اسماعيل

 الادب والفن فى عهد اغسطس :
اغسطس روق الجوالى كان ممكن يزدهر فى الادب والفن وهو نفسه كان ناقدا وذوقا وكمان مكنش كاتب فاشل لا بالعكس دا حتى مؤلفاته13 اللى هى ضاع منها كتير دى كانت خساره فادحه
هنتكلم ان اغسطس اتعلم انه يجيب العباقره من الرجال ويشجعهم وبعد كده بقى يسبهم يكملوا الطريق لوحدهم وفى الجو دا ظهرامثال عظيمه (فيرجل –ليفيوس)
# للادب اللى تميزت بيه روما فى عصر اغسطس وكان عصر شعر مش نثر.
#الادب والفنون :
1-فيرجل هنتكلم عن ان فيرجل كان الرئيس الكبير فلى الادب الاغسطى الرجل دا اتولد فى سنه 70وكان وحيد امه وابوه كان بيعيش فى بلده اسمها مالتو فى الغال ,فيرجل شاب ذهب الى مدرسه فى بلده اسمها (كريمونا )بعد كده راح مدرسه ميلان وبعد كده راح روما عشان يدرس البلاغه بس كان بيكرها جدااازينا كده ,الراجل دا مش واثقين اوى اذا كان كان مشارك فى الحروب الاهليه ولا لا بس كطان واضح دا فى مقطوعه من ملقاته عن القتلى الرومان اللى ماتو ما ترح ما رحوا فى معركه فارسالوس ,فى سنه 48تعلم فى مدرسه الابيقوريه فى نابلوس التى اصحبت هى مكانه طول حياته وجى بعد كده الوقت اللى بقى فيرجل على صله مع ببالوومايكناس وميسالا ودول حماه الادب فى العصر الجديد
اعمال فيرجل :من اول الاعمال اللى انتشرت ليفرجل (الرعويات )قصائد ذات طابع رعولى يعنى ايه ؟يعنى بتصف الريف وازاى الرعاه بيعيشوا فيه وتقاليدهم والحب والغنى المتبادل بينهم
بعد كده عمله التانى كان (الزراعيات )وهو عباره عن قصيده تعلميه وبيفسر دا فى الكتب وهى :
1-الكتاب الاول :نمو القمح   .التانى :الكرم والزيتون ,التالت :الابقار والاحصنه ,والرابع :النحل .الكتب دى كان ليها فايدها عند اغسطس عشان كان عايز يحى الزراعه الايطاليه ..
العمل التالت وهو (الانياده )وتعتبر من اهم اعماله وهى عباره عن ملحمه واستمر يكتب فى القصه بتاعت اينياس بصل الانياده 11عام واتكل على الله فى سنه 19 حتى ملحقش يكمل القصيده بس اغسطس امر انها تتنشر على الوضع دا عشان هو وصى بكده
والقصيده دى كانت بتوصف اللى استولوا على طرواده ودمروها وهروب اينياس الى اراضى الغرب وبعد كده حدفتهم الامواج لشاطى افريقيا عند قرطبه وفى فتره حصلت love storyمع انياس وملكه قرطابه ديدو حبوا بعض شويه بعد كده الحمد لله العلاقه فشلت وانتهت نهايه مساويه سبها ومشى وقالها انتى تستاهلى واخد تاحسن منى :D راحت الهبله التانيه انتحرت وماتت غارت الحمد لله وقالت وهى بتودع والنعمه يا اينياس ليجيلك المنتقم الجبار ,وبعد قرون جى بقى المتقم (هانيبال )ويجى بعد كده فى كتابه السادس من الانيده هو اساس القصيده انياس يسال عرافه البلاد وراح العالم الاخر وشاف ابوه انخيس قاله عن الروايا الاخيره لمصيره اللى هى نبوه يملها الكبرياء عن تاريخ روما ومستقبلها بعد كده الكتاب السابع والكتاب الثامن لما الطروادين وصلوا لروما
……………………………
هوراس: كان صديق فيرجل وتمتع ايضا برعايه مايكناس واغسطس هوارس من مستعمره فينسا وابوه كان عبد بس استطاع انه يجمع ثروه ويشترى حريته وعلم ابنه هوراس ارقى انواع التعليم كان هوراس برغم صداقه العظماء الا انه كان عمره ما بينكر اصله تخرج من مدرسه فى روما وراح جامعه فى اثينا وهناك كان فى حروب اهليه انقضت عليه حتى مبين دا فى فى قصيده الابيدوس بعد كده تغير مصيره وفيرجل خده واصبح قادر انه يمارس نزواته الادبيه
#من اعماله :1- الهجائيات ودا اول عمل ليه حمل اسمه
2-الاناشيد تانى عمل كان تلاته كتب وبتحتوى على 88قصيده غنائيه ,بس الاناشيد دى قبلها اليونان مش بشغف  حتى هوراس خاب ظنه ورجع للهجائيات تانى وكمان عمل اخر وهو الرسائل وهى عباره عن عظات عن تصرف الانسان واخلاقه
………………………………….
#الشعر:كان شعر العشق (الاليجى )ودا ابتكار ادب رومانى وكان من اشهر الشخصيات فى الشعر 1-جالوس,2-تيبوللوس,3-بروبرتيوس,4-اوفيد
نجى لابروبرتيوس :سومه العاشق من اعظم شعراء روما قضى معظم طفولته فى الحروب بعد كده امه خته روما عشان يتعلم بس يرعان بقى وقع فى قصه حب جارف مع عشيقته هوستيا ونشر كتابه الاول :باسم (كونثيا )
#نجى بقى لاوفيد :اسامه منير من اعظم شعراء قرطابه حتى كانه بيشبه روحه بروح شيكسبير ذى اللسان العذب الحلو ولد فى بلده سولمو اتعلم فى روما واثينا وهو فى ال12 من عمره تحول كل شى بين ايده الى شعر واشعاره كلها عن الحب ومن اعماله :
1-مجموعه البطلات وهى خطابات مرسله من بطلات الاساطير للى سابوا عشقهم
2-تانى عمل كتابه (فن الحب ) وهو قصيده عن الحب وكان بيتكلم ازاى تثبت الموزه
3-عمله التالت بقى (كتاب للمشاكل بالنسبه للنساء ) ازاى ىتهتمى بنفسك وتحطى الميك اب
4-والكتاب الاخر عن (علاج الحب )ودا كتاب بيعرفنا ازاى نتخلص من علاقتنا الفشله وبينصح الشباب ازاى يطفش الموزه  ويبدا علاقه جديه
5-عمل مجموعه من القص سميت (التحولات ) ان الفوضى ازاى اتحولت لعالم منظم ويوليوس اتحول اله ,بس الراجل دا فى الاخر اتفضح عشان يوليا اسمه جى فى الشيهات واغسطس نفاه فضل يبعتله ويتحايل عليه بس هو قلب محنش قاسى وفضل هناك فى المنفى لحد ما اتكل ع الله واخر عمل ليه كان (الاعياد )
…………………………..
بعد كده المؤرخين ومن اشهرهم :ليفيوس:قدم ليفوس عمله  الضخم االى ميقلش عن 142 كتابا بس وصلنا منهم 35 وكان بيتكلم فى عن تاريخ روما منذ نشاتها حتى وفاه دروسوسعام 9)ركز فى تاريخه على امرين
1-حاله روما فى عصر الامبراطوريه ,2-والاعمال اللى قام بيها اغسطسمن اجل روما وكان فى نقد بالنيه لليفيوس وهو انه كثير الخيال ,تفاصيله غير دقيقه بس برغم كده يعتبر مصدر رئيسى عن تاريخ روما فى العصر الجمهورى
…………………………………
#اعمال اللغه :سينكا الاكبر ,دينيسيوس الهلبكارناسى
#فى اللغه الاتينيه :قصيده مانيليوس-قصيده ايتنا
………………………………..
#فن العماره :عمل فتروفيوس ,ومشاريع اغسطس البنائيه الواسعه فى روما وخارجها كانت بتوحى بهذا العمل
#اعمال اغسطس فى الفن والعماره :
1-وجه نشاطه لروما وخلها بدل ماتكون مدينه من الطوب تركها مدينه من الرخام ,واصبحت روما اجمل ما فى العالم
2-مذبح السلام :كان عباره عن لوح برونز من اعمال اغسطس
3-معبد الاله يوليوس المؤله :من اهم مشروعات اغسطس وعمله فى السوق
4-اخر عمل اعمال الفن المنحوته على محراب السلم ودى كانت تخليد لذكرى عودته من روما 13 ق.م
#فن الرسم الاغسطى :مقتصر على الرسوم الحائطيه واهم الصور هى المنازل الدينيه اللى جت فى منزل (ليفيا )..
#انتهى ويجحمهم كلهم ماترح ما رحوا نتمنى لكم النجاح والانشكاح
وادعولنا والنبى :D

اقرء المزيد

اهم أسئلة الفرقة الرابعة أ , ب , انتساب "القلقاسة" "رومانى"

اقرء المزيد

دردشة تحريرى رومانى رابعه ب

  #دردشه تحريرى :ــــــــــــــــــــــــــ بقلم فاتن اسماعيل

الطلاب كلها خايفه من موضوع التسويه وكده طب تعالوا براحه كده وواحده واحده دى رومانى ماده حلوه بس اللى يفهمها
اول حاجه هنتكلم عنها : التسويه الاولى ودى من(29-23 ق.م)
*نيجى لاول نقطه فى التسويه اول ما كبرنا اوكتافيان هنسميه دلوقتى اوكتافيان معلش استحملوا اول ما الحاج دا جى من ايطاليا فى صيف29ق.مكان جى ايه منفوخ بقى وبيتمتع بعظمه وشموخ حتى متمتعش بيها المعلمين (سلا- وقيصر) يعنى بمعنى كان راجل واصل بقى وكده طب اللى السبب اللى نفخه كده :
اول حاجه انه كان بيملك القوه المسلحه للامبراطوريه تحت ايده ودا جى بعد انتصاره فى الحروب الخارجيه اللى هى كانت )الليريكرم-اكتيوم لما حط على كليو بترا –ولما ضم مصر )
اغسطس وهو راجع من مصرالحبيبه  هيجى بايده فاضيه لا طبعا ,قام ايه مقلب البطالمه وخد الخزائن بتاعتهم بس الحمد لله جت بمصلحه قدر انه يدفع مرتبات القوات ,لا وكمان ايه اللى فاض شبرق بيه سكان العاصمه وشهيصهم عقبال ما يتفرق علينا اموال :D والحمد لله عمل دا من غير مصادرات ..
نجى للمهم بقى اوكتافيان شاف انه من حقه انه يشكل دستور وان يكون فى ايده اكثر حريه مسيطر يعنى تمام وكمان ايه الناصح ,فى الظروف دى استغل انه يقيم نظام حكم ملكى واللى كان مساعد على كده قله عدد النبلاء ودول كانوا من اكتر الناس اللى بيحفظوا على النظام الجمهورى وكان سبب قلتهم الحروب الاهليه
وتانى حاجه كانت مساعده انه يقسم الحكم الملكى انهم اطلقوا عليه امير السلام بس ليه بقى ؟عشان هو اللى انقذهم من الازمه الداخليه اللى كانت مليانه مذابح واضهطات وحروب اهليه
نيجى بقى نقول الحاجه التانيه :وهى اوكتافيان مكنش شايف اختيارغير انه يبقى تحت سيطرته القوات العسكريه للامبراطريه والسبب اللى خله يعمل كده .انه شايف انه لو اتخلى عنها او قسمها كده هيغلط عشان هيبقى سبب لنتشار الخوف وبالذات ان القاده الطموحين العسكرين ما بيصدقوا وممكن مره تانى يفرضوا حمايتهم العسكريه ع السلطات المدنيه ما بيصدقوا ..عشان كده شاف انه يخلى السلطه فى ايده كده حلوه وميفرقاش
*فى الظروف دى شاف كوكو  خلينا ندلعه شويه عشان نسهل علينا انه جتله الفرصه انه يقيم ملكيه مطلقه وكان الكلام دا 29 لكن كوكو كان ناصح شويه وكان حذر انه ميوقعش فى الغلط اللى وقع فيه يوليوس لما جى يطلب السلطه المطلقه بالعافيه والقوه راح اعدائه من النبلاء قضه عليه وقتى عشان كده مفكرش ابدا كوكو انه ياخدها بالقوه وفكر انه يخدها بشكل رسمى يقوم يعمل ايه بقى يعمل (تسويه دستوريه) ايوه يعمل تسويه ويقرفنا معاه بس استنى شويعه كده عشان هو فى 36 كان عامل حركه تثبيت كده تكتيكيه وهى انه يرجع الجمهوريه مره اخرى لكنها كانت مجرد لعبه عشان يمشى اموره
فى التسويه دى حفظ لنفسه (السلطه العسكريه ),وبالنسبه للحكم المدنى استغنى عنه للطبقتين الحلوين اللى هما (طبقه السناتو-طبقه الفرسان (
وفى سنه31 عقبال عندكوا اتولى القنصليه وفى 30 كان مشغول فى الشرق ادله شعوبه القاب كتير كان من ضمنها السلطه التربيونيهبس امتنع انه يستخدمها علميا وفى 29 بقى رجع لروما واحتفل بنصره الثلاثى
وكان الاعمال اللى عملها بعد ما رجع بسلمته :
1-عمل ع استقرار اعداد كبيره من الجنود المسرحه فى المستعمرات
2-قلل الفرق العسكريه من 60ل 28فرقه
3-اصدر منشوراعلن فيه الامان ولغى اى اوامرغير قانونيه صدرت ايام الحرب الاهليه 
4-وحط اسم اوكتافيان على راس قائمه مجلس الشيوخ
5-اجرى تعداد سكانى
6- طهر السناتو من 1000-800 واكترهم طردهم
8-استعاد نظام سلا فى التجنيد التلقائى للفرسان
9- سمح للانضمام بمجلس السناتو بس يكون فى صفات وهى :
ا)الاستقامه الشخصيه   ,ب)انه يكون مخلص فتره الخدمه العسكريه
ج)انه يكون عنده مليكه كافيه
وكمان من حق كوكو شخصيا انه يمنح الشريط الاحمر العريض الى بيتحط على التونك اللى يرديتها السناتورين  بالمولد
……………………………………………………………………………………..
تسويه 27:شاف اوكتافيان ان الوقت متاح ليه انه يعمل تسويه تانى اضافيه
هو يعمل تسويات واحنا نتفحت اللى يسوى ما ترح ما راح ,المهم شاف انه بقى مبقاش فى منافس لى فى المجال العسكرى وهو بس اللى ع المسرح قوم ايه بقى فجاه كده اعلن فى مجلس الشيوخ انه متنازل عن كلالسلطات اللى فى ايده والولايات اللى تحت تصرفه كمان ووضعها تحت التصرف free للسناتو والشعب ودى طبعا تمثليه من تمثليته بيحور عليهم كان بيرمى كلام كده عشان فى الاخر بيمهد لنظام حكم جديد وقامت التسويه بينه وبين السناتو والتقسيمه الجديده :
1-*ان السناتو مسؤل عن روما وايطاليا ونصف الولايا ت
2-*واغسطس خلاص بقى اتسمى الوقت اغسطس يحصل على اداره اكبر الولايات وهما (مصر-الغال-وسوريا-اسبانيا) وزى ما قولنا انه خدهم لاهميتهم الاسترايجيه
3-فى سنه 27 والسنه اللى بعدها استمر اغسطس فى تولى منصب القنصليه لمده 4سنوات وراه بعض ودا بمنحه الامبريوم البرو قنصلى او بمد الامبريوم القنصلى خارج ايطاليا
4- مارس حكم الولايا ت من نواب عينهم وكانوا ميقدروش يعملوا حاجه غير لما يخدوا التعليمات منه direct
………………………………………………………………………………. 
 :بعد التسويه الاولى غاب اغسطس كده اد 3 سنين عن روما كان شايف خالص ان الامر استتب وان الوقت حان انها تمشى حالها فى الوضع الجديد ,بس للاسف لما عاد لاقى الامبرطويه هيصه واضرابات
وكان فى بعض الاحداث كده
وهى محكمه بريموس:ودا وجه اغسطس ليه الاتهام عشان قاد حرب علىى مينه اوديساى بدون اذنه وتم ادانته بالخيانه العظمى
بعد كده جت مؤامره روفوس :كانت مؤامره ضد حياته كان واحد جمهورى بس اغسطس اكتشف المؤامره دى وحتى كان معاهم فارو صحبه بس للاسف سحق كل اللى اشتركوا فيها وفى الفتره دى برضو مرض اغسطس مرض خطير كان صاحب عيه الراجل وكان خالص افتكر نفسه بيودع راح مدى الخاتم الامبراطورى لصديقه الصدوق ودرعه اليمين اجربا
………………………………………………………………………………….
التسويه التانيه :بعد ما اغسطس ربنا قومه بسلامه عقبال مانقوم بسلامه من الماده دى احنا كمان قام عشان يعمل تسويه تانيه فاول حاجه حب انه يتخلص من مصب القنصليه اللى كان قرفه وحسه عب وحاجه روتينيه وكمان كان عايز يرضى السناتو عشان بدوا يشكوا فيه انه بيتولى المنصب دا بشكل مستمر بس طبعا عوض نفسه بسلطات اخرى واهم كمان من سلطه القنصليه وهى
*السلطه التروبنيه الكامله :
قدر من خلالها انه ليه الحق يدعو المجلس للاجتماع –وليه كمان انه يعرض التشريعات خاصه بالشعب  –وانه يفصل فى الجرائم –ويستعيد سلطه حاكم الويات  بعد كده حصل على سلطه
*سلطه الامبيريوم البروقنصلى الاعلى :ودى كانت التانيه اللى حصل عليها وبالسطله دى تميز اغسطس عن حكام الولايا ت اللى كانوا بيتمتعوا بسلطه الامبريوم القنصلى وكمان من حق انه يمارس نفوذه ع ولايات الامبراطوريه والجيش
برضو حصل على كام سلطه كده 1-انه يكون ليه الحق فى انتخاب الموظفين ,2-حق انه يعين الملحلفون للمسءلات القانونيه ,3-وكان  ينهى معاهدات مع الدول الاجنبيه
دا كمان كارثه الفيضانات اللى حصلت قدر ان المجلس يدى سلطه السيطره ع الشئون الداخليه لروما والاداره الماليه والقضاء
وبكده اغسطس من السلطه التربيونيه ان يكون لى سيطره ع السناتو وعلى صلاحيات  كتير ف الدوله ,فقد وصف شيشرون اغسطس بانه (حاكم مثالى) ووصفه طلاب قسم تاريخ بانه رجل رخم واعماله كتير
بس خدوا بالكوا كان فى بعض المناصب اغسطس كان رافض انه يتولها
واللى هى (الدكاتوريه –القنصليه الدائمه –والرقابه ع القوانين )ودا مش عشان يحافظ ع نظام الجمهوريه لا دا عشان شايف ان السلطات الللى معا تخليه قادر يعمل اكتر من كده
…………………………………………………………………………………..
السلطه التنفذيه الجديده :بعد ما اغسطس عمل التسويات لقى فى ايده السلطات كترت اوى عشان كده عمل سلطه تنفذيه عشان يسهل الوجبات اللى عليه فعمل جهاز بيروقراطى (جهاز ادارى )وبينقسم الى
-حكام ولايات
*اول حاجه عملها انه عين حكام فاعلين للولايا ت تحت اسم نواب اغسطس (البروبرايتوريين ) وجاب مندوبين مالين تحت اسم (البروكوراتوريس) والسبب اللى خله يسمى الاسماء دى عشان كان يفرق بينهم وبين المواظفين اللى كانوا فى العصر الجمهورى
*نجى بقى للموظفين دول كان بيخترهم ازاى كان لاما من طبقه الفرسان لاما من طبقه السناتوريين
وكانت شغلانه حكومات الاقاليم والوظائف العسكريه مسؤل عنها السناتوريين ,لكن الوظائف المدنيه كان مسؤل عنها الفرسان
وكان الموظفين دول بيختلوا كتير عن موظفين العصر الجمهورى فانهم بيخترهم على حسب خبرتهم لمده طويله ,لكن الموظفين العصر الجمهورى كانوا بيعقدوا فى المنصب سنه واحد
-العبيد
عينهم اغسطس العبيد السابقين اللى كانوا بيخدموا فى بيته كمحاسبين وسكرتريين مع انهم فى الاصل كانوا خدمه الخصوصيين بس برغم كده تولوا الوجبات العامه بشكل كبيرلا وكمان كانوا بيشكلوا نواه فرع كبيرومهم للسلطه

-الحرس البيراتورى
فى نهايه حكم اغسطس العمل التنفذى كان بشكل بدائى وغير كامل كان الرئيس المحتمل واحد بعد كده بقوا اتنين ايه بقى شغلتهم دول ؟
تولوا قياده الكتائب البريتورايه ,والفرقه من دول كانت بتتكون من 9 كتائب وكل كتيبه 500نفر من الاقويا اللى بيخترهم من الجند ,وبرضو كانوا بيحرسوا الامبراطوروجند مراسله والخلاصه انهم كانوا درع اللمين للامبراطور
-مجلس اغسطس
المجلس الامبراطورى اغسطس فى الاول مكنش ليه مجلس خاص بيه وفى 27 عمل مجلس خاص بيه بيضم قنصلان و15شخص بيخترهم بالقرعه ولمده 6شهور وكانت مهمته المجلس دا :1-كان بيعمل جدول اعمال لكل دوله ,2-وكان بيدور وراه مجلس الشيوخ عشان ينقل الاخبار لاغسطس فى سنه 13 بقى لاغى الهيئه دى وعين 3 مستاشرين من اهل بيته وكان الاعضاء عددهم 20 وكمان عينهم من غير قرعه ومن وقت للتانى كان بيشكل لجنه من معاونين عشان الحالات القضائيه وكان المجلس الامبراطوراى دا خلى فى سوء تفاهم بين
وكما قالوا (ان غموض دستور اغسطس يستحق التقدير العظيم )
نظام حكم الولايا ت:روما استطاعت فى القرون التلاته انها تكون امبراطوريه واسعه وبرحه وكمان شامله حوض البحر المتوسط وبكده بقت ولايتها كتير ففكروا بقى يقسموها بين السناتو واغسطس اللى ما يتسمه عشان هواللى مشحططنا كده جم قسمهم اغسطس خد الولايات المهمه واده السناتو ع قفاه وادلهم ولايات اقل اهميه وقبل كده قلنا انهم كانوا بيعينوا نواب على الولايات دى
نجى بقى للولايات السنتوريه :بيعاون الحاكم جهاز ادارى ايشى (مفتش مالى-و3مندوبين قضايين,وفى الولايا ت الامبراطوريه كان نفس الجهاز هو هوبس نضيف ليه حمايه رومانيه  ماعدا مصر كانت حاجه سبشيل كده
كانت مصر الحبيبه ليها جهاز معقد وكبير زى جهاز العروسه والله بتصريف مصاريف ما علينا كان على قمه الجهاز دا كان موجود
1-الولى ,2-المشرف القضائى,3-المشرف على دار السجلات والمحفوظات ودا كان فى alex,4-المشرف المالى(مدير مالى:ودا كان مسؤل عن الضرائب بمختلف انواعها )(مراقب الحساب الخاص ودا مسؤل عن المصادرات ودخل المعابد ) طب بالنسبه لوظيفه حكام الولايات
كان ليهم السلطه على المواطنين –كان لازم يراعوا الحقوق والعادات فى بعض المدن الاغريقيه –القيام بحملات تفتيش-يقموا الثورات ويحضروا الحفلات ويجملوا –ويجمعوا الضرائب
اما بالنسبه لمجالس البلديه :كانت تدير الشئون المحليه للولايه وبتساعد الحاكم وفى عهد سبتمبوس زادت اعملها واصحبت الكل فى الكل ومبقت مسؤله ع تعين الموظفين وجمع الضرائب
نجى للفتره الاولى من عهد المبرطوريه كان فى تفرقه بين ايطاليا والولايات الاخرى بتميز ايطاليا عنهم لكن التفرقه دى ابتدت تختفى وحده وحده فى عهد فسباسيان اللى ادى الكتير من الحقوقاللاتينيه للمدن مثل اسبانيا والمانيا وكان غرضه هى (رومنه )المدن عشان يكون طبقه برجوازيه مثقفه وجى من بعده سبتموسكمل عمله وانهى ان تكون ايطاليا متميزه ومنح كمان الحقوق الايطاليه لبعض السكان كمان انهى احتكار الايطالين لعضويه السناتو وفتح الوظيفه امام سكان الجمهوريه كلها بعد كده جى من بعده ابنه كاراكلا فى 212 لما اصدر قرار بمنح سكان الامبراطوريه المواطنه بس ماعدا فرقه اسمها (المستسلمين )غير معروفه هويتها وبعد القرار دا اصبح فى قمه فى سياسه التساولى ويجى المرخين الحشريين يقولوا داوفع كاركلا ليه عمل كدا ؟كان فى 3اراء

اول راى: انه يعوض النقص فى حصيله الضرائب بدل ما كان المواطنين الرومان بس اللى بيدفعوا يبقى كله يدفع
التانى :انه يدمج سكان الامبراطوريه معه بعضهم سياسيا ودينيا عشان ميخليش الديانه المسيحيه تنتشر
التالت :انه يكسب شعبيه الشعب ,بس للاسف مهما كانت الدافع دى مفيش ولا حاجه اتحققت لان اهل البلاد قدهم ضهرهم عشان سحلهم يعنى ودى كانت من اسباب سقوط الدوله بعد كده ....جارى دردشه الادب والفن

اقرء المزيد

ملخص التسويتين الاولى والتانيه ونظام حكم الولايات الرومانية .. رومانى رابعه ب

اقرء المزيد

توقعات " روماني " رابعة أ و انتساب

اقرء المزيد

توقعات اوربا حديث " اولي أ و انتساب "

اقرء المزيد

توقعات اوربا حديث " اولي ب "

اقرء المزيد

توقعات رومانى الفرقة الرابعة ب

شكل الامتحان : 

(اختياري ) ثلاثة اسئله علي ان يقوم الطالب بأختيار سؤالين منهم  

   

اقرء المزيد

الفصل الاول و الثاني " شرق ادني " س+ ج " تانيه ب "

اقرء المزيد

"جزئيه التشريعات الاجتماعيه لاغسطس ( تلخيص مبسط من المحاضره) " رابعة ب

اقرء المزيد

المحاضره السادسه " شرق ادني " تانيه ب

اقرء المزيد

اسئله الشفوي " عرب قبل اسلام " اولي ب

اقرء المزيد

"بسنت مدحت " في اولي حلقات " راديو احنا اولي تاريخ هذا العام "

"راديو أحنــا أولي تاريخ " 

راجع ليكم في الاجازه بعد غياب دام لمده سنة و اكثر 
.. احدي مفأجات اليوم الاول للبث 
" بسنت مدحت " احدي اهم المواهب الغنائية في كلية الاداب - قسم انجليزي 
هتكون معانا منذ اللحظات الاولي للبث 
‫#‏احنا_اولي_تاريخ16‬

إضافة تسمية توضيحية

اقرء المزيد

هاااااااااااام شرق ادني تانيه (أ) و ب

اقرء المزيد

" اوربا حديث " من الفصل الاول للسابع .. س+ج اولي ( أ ) و انتساب

اقرء المزيد